ادي حكاية ****بقلم عادل عباس

******* ادي حكاية *******

الواد شحتوت.. اخد النبوت
فرقع بالصوت.. رفع التابوت
نجوه م الموت
ادي حكايه
البت الحلوه.. اكلت عجوه
عملت عدوي.. قالت غنوه
والناس سمعوه
في السهراية
راح الفلاح.. فارض براح
خد المفتاح.. زرعه قماح
يا سيدي سماح
في العزباية
والسكر قل.. ابيض فل
انا راح امل.. الحالة خل
عندي امل
في الجمعية
ارجع يادولار.. الجنيه حمار
شوف الاسعار.. البنك عمار
لم المليار
تحت عباية
فين الجاز.. اوحتي الغاز
سواق ممتاز.. راكب عاز
يكسر ازاز
اسعار ابتزاز
ودي برضه حكايه

الشاعر. عادل عباس