علي فكره .....**** بقلم الشاعر رضا احمد

علي فكره
انا نسيتك خلاص
ولا كلمة
كل اللي بنا انداس
معدش في احباب
زرعت قلوبنا خراب
جرحي في حبك تاب
وقلبي شبابه شاب
سكن الامان وسواس
انا نسيتك خلاص
علي فكره
جيه تقولي دا كان
عشقاك دا ايه يا زمان
بعد ما ختي شباب
وجرح في قلبي داب
ودموع واه وعذاب
ونار فراق الاحباب
وجنان في وسط الناس
انا نسيتك خلاص
على فكرة
يا دمع المحروم
ارحل كفايه لوم
ولو جرحي ده مقصوم
طب ليه يا دمع تلوم
وليه السهر وناس
انا نسيتك خلاص
بقلمي رضا احمد 23/11/2016