ومنين نجيب الدوا ....؟*****.بقلمي حسن حفني الأسواني

.....عاميه....
ومنين نجيب الدوا ....؟
...........................
يا شاعر الناس الغلابه
غني واحكي على الربابه 
.خلى فنك شي بسيط
. يحتوي قلوب الطيابه
من البحيرة للمحيط
.قلت بكتب شعر عامي
رحت طايح بينا فوق
طب واخوي واختي وعمي
وامي وابوي ال في دمي
دولا مش طالعين لفوق
بص مره كمان وفوق
دول عايشين جوه غابه
مطحونين .متنيلين
متبهدلين غم وكآبه.
..يفهموا إيه في الخيال
والمتاهه في الصور
وتقول جمال ..
انت بتكلم دكاتره
. ولا خريجي الحقوق
بص شوف. اهلك يا بابا
اللى شايل للطوريه
ايده مهريه وشقيه
كيف شوارع مالشقوق
واللي شال على كتفه مقطف
يالطيف يارب الطف
والحمال على ضهره تقصف
وشه مغسول بترابه..
واللى نازل غيطه بدرى
يسبق اليوم البيجري
لو يروح يومه بدري .....!!
مش يكون قبل الغيابه
واللى شغال فى المبانى
طول نهاره ضهره حاني
ليله كله الم يعاني
شمسه تحرق رأسه فوق
يرضي ربه قصد لبابه
................
.واللا شوف الشيالين
واللا قول فى الفلاحين
طب تعال للسواقين
ولا حتى الكناسين
اللي مالهومش نقابه
واللا شوف النجارين
واللا قول فى السباكين
واللا حتي النقاشين
اللي منظرهم كآبه
هيه دي الناس الغلابه...
خدت ايه من طيف خيالك
واللا سحر الوهم جالك
من ستاير قلبك المشقوق
علي ضفاف الحنين
والستاير رفرفت شباك سحاب
نزلت مطر جوه شوقك عالجبين
دمعة حبيبتك من السما
نزلت وما
طب مين يقول جرح السنين
او مين يداوى المجروحين
والغلابه المطحونين والمدبوحين
.واللى على الغلب كوته مطفحين....
ورغم كل البهدله والمقصله والمهزله..
هما اساس المرجله
وما بيعرفوا طبع الديابه
هيه دي الناس الغلابه
اللى نكتب فيها عامي
نظره يا شاعر الغلابه
غني واحكي على الربابه
........بقلمي حسن حفني الأسواني