هتندمي *** بقلم الشاعر سامي محمود حنفى

هتندمي ... كلمة بقولها وافهمى
هتندمي ... لو بقلبي هتلعبي
هتندمي ... لو انتي عني هتبعدي
صدقيني ، هتندمي

          ........................

اوعي تنسي اني ليكي
شمس الدفا ولعينيكي
خط الوفا وما عليكي
الا روحك تسألي
تتأكدي ، فتفهمي

           .....................
لو فكرتي ترحلي
هتبقى دنيا بتنتهي
وتضيعي وانتي بتسألي
ايه خلاكي تعندي
وتعرفي ، فتندمي

            ...................
ولو عدلتي ع الرحيل
ها ابقى شمسك وانتي ليل
تبقي شطي وأبقى نيل
يروى عمرك تحيي قلبي
تتبسمي ، وتفرحي

             ..................

كلمات : سامى محمود حنفى