شفايفك ***بقلم فاروق إبراهيم

شفايفك
.........
شفايفك شايفها - بتغرى الشفايف
شفايفى شافتها - ودوقت العذاب

عاوز اقرب - لكن قلبى خايف
تبعد وتهرب - يطول الغياب

نظرة عيونك
بتوصف شجونك
وسحر خاطف
بيبعت عتاب

وبعينى شايف
رعشة رموشك
وشعاع العواطف
فى ليل الضباب

لإمتى هاصبر
وتبعد وتهجر
شمتو المعارف
وكل الصحاب

تعالى وطفى
لهيبى ونارى
رياح العواصف
تهد الشباب

مش قادرا اخبى
مش عارف ادارى
شعور حب جارف
والقلب اللى داب
..............
أفكار .... فاروق إبراهيم