إيمانيات ***بقلم منير عبده

《《 إيـمـــانـيــات 》》

أغـرب حاجة تشوف احـلامـك
وهـي بتتسـرب بـين ايـــديك
تمر تتخطى مســار اقـدامـك
ومـــا تستنـى تــلاحـظ لـيك
وانــت وحـيـد تجــرع آلامـك
مـافـي صــديـق بيشد ايـديك
تحسب وجـعك ومــر أيــامـك
والاحــــزان الـشبكـت فــيك

أغــرب حــاجة تـحب الــخـير
للكل والناس ما ســاءلـة عليك
شــايـل جـــواك قلــب كـبير
ابيض بيسع كــل الـحــوالـيك
تـــدي دوااام الــــود للــغير
وفــرحـك بـااايـن فـي عـينيك
وامــرك بــاقي عـليك عـسير
وامـر الناس بـس هو الهـاميك

أغــرب حـاجة البسمة الدايـمة
رغـــم الـظلـم الــواقـع فـيك
والسخريـة الجـــواك هــايمة
رغـــم الحـظ بالضنـا شـاقـيك
كل ما تشـوف آمـالك عــايمة
وموج المد فـي القــاع راميك
تـرجـع تنسى دنـاك الغــايمة
وبـى استهـزاء بتهــز كـتفيك

حــلاة الثقة فـي قلبك كامـلة
انـو المــولى محـال نـاسيك
مهمـا تكـون رغبـاتك خـامـلة
بـرضــو يقينك تــب مــالـيك
ذاتـك ديـمة قنــوعـة وآمـلة
انـو الـرب فـي يــوم بيـديك
طـالما روحك جـادة وعـامـلة
رزقـك مهـمـا بـعـد بـيـجيك

《《  مـنير عـبده  》》