حاجي سهر ***بقلم اليان سمعان ...الشاعر السوري المهجري ...

=*=*=*=-(  حاجي  سهر )-=*=*=*=
-----------------------------------------
حاجي سهر ياليل  تعبان بترجاك
*-*-*-  حتى على نجومك ماعدت اتقرب

 ماقدرت عافراقك ومستحيل انساك
*-*-*-   مرمرت  قلبي من الاسى تعذب

 طال الزمان كتير عارجا ملقاك
*-*-*-   صارت وعودك امل بالحلم يتقرب

 انطر قمرنا يطلطل من الشباك
*-*-*-  وخاف شي ليلة اذا القمر سرب

حتى قلامي بكيت على فرقاك
*-*-*-   وحرف الشعر الوان العشق جرب

ياغياب  كافي عبيت الدرب اشواك
*-*-*-  ارجعلي  ياغالي بيت الهنا تخرب

 ناطر عانار الشوق ياحب بتمناك
*-*-*-  وخلص كاس الصبر ماتم شي اشرب

صار الحرف مبحوح قد ماناداك
*-*-*-  نامت ليالي الفرح والعمر غرب

*************************************
الشاعر السوري المهجري ... اليان  سمعان  ...