مسابقة بوح الصوره *****بقلم الشاعر زكريا ضاحي توفيق

شعر عامية
زكريا ضاحي توفيق
مصر 
*********************
{اعتبره مات} 
**********************
مش قادر اكتب ولا أقول كلام 
وقلمي شطب زعلان كمان 
رافض يكمل معاياحكايتي 
مش ضعف منه ولا جبان 
لو دا ابوك…... ترضاها ليه ؟! 
ناس تنام عل الحرير 
فارده جناحها عايزه تطير 
والفقير ع الأرض نايم 
مش لاقي حتى الحصير 
والشوال علم في راسه 
مات خلاص فينا الضمير 
والعصايا في ايده تعبت 
حالفه ما تسيبه وحيد 
نفسي حد بس يجاويني 
راح لفين منا الضمير؟! 
شعره شاب وإحنا نهينه 
ع التراب نايم بطينه 
نفسي أعرف متعري ليه؟! 
مفيش شجاع فاهم في دينه
يشيل كبير في نن عينه 
يحن عليه ؟! 
بلاش عتاب.... ليا يا قلمي 
قولت هسكت ورجعت تكتب
كتبت ليه؟!