خود. حياتي وخود عينيا*****بقلم زينب شبل

خود. حياتي وخود عينيا
بس اشوف. الدنيا.  بيك
لو سنين عمري اللي فاتت والي جايه
هي ملكك. بين.  ايديك
هي من غيرك سنيني تسوى ايه بالنسبه ليا
لو ما شوفتش يوم. عينيك
مهما تاخدك دنيتك وتغيب عليا
قلبي وياك بين. ايديك
هتلاقيه جنبك وبيوصيك عليا
لاجل عارف انت ايه بالنسبه ليا
انت. ليك عمرى اللي باقي يهون عليا
بس ف الحلم. التقيك
لو بإيدي إن اكون لك. يوم. حورية
ف السما وانده عليك
كنت. ماستناش شويه
لاجل مشتاقه ل عينيك
اصل حُبي لك كبير وماهوش شويه
واتكتب. على. قلبي. ليك
حُب مش راح يتنسي لو فات سنين قد اللي فاتت والي جايه
عمر قلبي ما يوم. ناسيك
ولا ينسى كلمه قلبك قالها ليا
ايوه فاكر كل كلمة قالها ليك
قلبي ما يكدبش عمره ف يوم عليا
وانت حَبك يبقى يكدب ليه عليك
لما قالك انه حُبك  كل شيء ف الدنيا ليا
يومها كات عينهُ ف عينيك
ايوه شافك بس ب عينيه مش عينيا
يوم ما قالك انهُ حَبك  مِشتريك

بقلم زينب شبل ٢٦/١٢/٢٠١٦