الحلوه ***وائل عمر

-----الحلوه

الحلوه عيونها بتندهلى قلت الجنه
 شفايفها لما قالت اسمى قلت أنا هتهنا
اتارى الحلوه جمالها كمين
 وشباك تصطاد بيها المساكين
والقلب اسود من جواه وبيتحنه
والوش قناع و وراه بركان
وبيتحول فى يا دوب ثانيه
عامله المشاعر لعبتها وباسم الحب بتتسلى
ولكل واحده فى حياتها يا دوب ل يومين
والحب ما دق فى يوم بابها حتى دقيقتين
وفاكره أن بكده تتهنه
الشعر الأصفر راح يبيض
والوجه الأبيض هيكرمش
 وجمال الشكل خلاص هيزول
ومن جمالها هتتعرى
والقبح فيها خلاص هيبان
والكل عنها هيتخلى
دا جمال الروح هو إللى يدوم
وكل ما يكبر يتجلى
لو فكرت مره تحب
دور على جميله الروح
راح تجعل من بيتك جنه

هتكون لبيتك عون وصون
لك وولادك مش خاينه
جمال الشكل دا شئ نسبى
اللى ف عينك مش حلوه
يمكن فى عينى حاجه تانيه
(وائل عمر)