عنيد ***بقلم سعيد عبد القادر السيد

الأحد  : 10/1/2016
الساعه: 10،30 صباحآ
$سعيد عبد القادر السيد $
           * عاميه *
# عنيد #

عنيد يا قلبي أنت
بتدور عالعذاب
ماشي في كل سكه
تنده عالاحباب
خدها نصيحه و أنسى
الحب ده سراب
عنيد يا قلبي أنت
بتدور عالعذاب
أسمع حكاوي زمان
قيس و حبيبته ليلى
جولييت و رميو كمان
أضناهم الحرمان
و عنتر بني شداد
جرا له اللي كان
عنيد يا قلبي أنت
بتدور عالعذاب
أمشي خليك في حالك
كفايه ما جرا لك
م اللي رثى لحالك
و اللي شمت كمان
قال خليه يدوق
نار الغرام بركان
عنيد يا قلبي أنت
بتدور عالعذاب
مالها يا سيدي الوحده
أحسن م الإكتئاب
مهما كانت صعبه
برضو ليها أسباب
نار الغدر وحشه
تخلي سماك ضباب
عنيد يا قلبي انت
بتدور عالعذاب

$$$ كلمات
سعيد عبد القادر السيد
شاعر ال ش   و   ال ش
الشرابيه    و    الشرقيه
القاهره    /    أبو حماد