حلم طائر *****بقلم عادل عبد الحميد

بقلم عادل عبدالغني عبد الحميد
حلم طائر

طائر فوق الحلم فوق الأمل باحلم بيوم
بقلب ولد طلب المدد 
من كل أمل وان بعد
ييجى بفرحة لكل مظلوم
على قلب ربط كل العقد
من كل صنف ولون معلوم
يمكن يحب يمكن يموت يمكن وعد
يفرح ويطرح زهرة أمل مقسوم
أنا حزنى عايش وساكن وله وتد
لكنى عايش بلحن حلم يشق الغيوم
زى الفراشه طايره زهرتها سند
أن قصر عمرها فرحانه كل يوم
أمسك فى حلمك الوليد ان وجد
وإياك تخاف انسى حزنك المرسوم
فجرك واملك منتظر معاك للأبد
شوف الطيور عمره ما دفع رسوم
على حلمه فى قلب السما تتوعد
يفضل طائر ويغنى بلحن مفهوم
لو الشتا طال بعده ربيع اتولد
لزهرة الحب لقلب عاش محروم
جوه الأمل والحلم والحب اتحد
قدرك فى السما شىء محسوم
اصرخ وعلى صرختك جوه البلد
تسمع صدى ضحكتك من غير هموم
عن كل يائس ابعد واقف واجتهد
على كل حزن والم ابدء بالهجوم
أفرد جناحك طيرفوق ربك وعد
الخير يكسر جراحك بقلبك الملكوم
ابكى واغسل همومك يا ولد
والمس شعاع الضى وسط النجوم
الفجر قادم بعد ظلمة ليل ابتعد
عشان نهارك يعيش ويطول ويدوم
تمت